Innarluutit Pillugit Ilisimasaqarfik Siunnersuisarfiutigisoq
IPIS-imi tusilartut pillugit siunnersorti, Henriethe Malakiassen.Tusilartut tusaaniarnermikkullu innarluutillit atugarisaat pillugit illoqarfinni tusarniaaneq aallartippoq.
Paasissutissanik immersuiffissaq arlalinnik apeqqutitalik illoqarfinnut tamanut IPIS-imit nassiussuunneqaqqammerpoq.
- Tusilartut tusaaniarnermikkullu innarluutillit pillugit paasissutissat kingulliit nutarsarneqarnissaat kiisalu tusaaniarnermikkut innarluutillit sullissisuisa qanimut suleqatigineqarnissaat siunertarigatsigu apeqqutinik IPIS-imit nassiussisoqarpoq, IPIS-imi tusilartunut siunnersorti, Henriethe Malakiassen oqarpoq.
Paasissutissat tamakkerlugit pissarsiarineqareerpata tamakkiisumik paasissutissat pigineqarlernissaat siunertaasoq aamma oqaatigineqarpoq. Nuna tamakkerlugu tusilartut tusaaniarnermikkullu innarluutillit katillugit 55-it missaanniipput.
