Tarnikkut ikiueqqaarnermi ilitsersuut kalaallisut saqqummerpoq

Saqqummersinneqarpoq ulloq 19 januari 2011
Assiliisoq: John David Eriksen, Kommuneqarfik Sermersooq
Ipis-mit ilanngussat

    Atuagaaraq "Vejen ud af krisen" kalaallisuunngortinneqartoq januarip 18-ani saqqummerpoq. Atuagaaraq suliamut atatillugu sullissisunut innuttaasunullu iluaqutissatut saqqummersinneqartoq, Kommuneqarfik Sermersooq allappoq.

    - Kommunip ajornartorsiornermi piareersimasussaanik pilersitsiniarnermi atuagaq pisariaqartinneqarmat pilersinneqarpoq, Kommuneqarfik Sermersuumi, Tungiuinermut ingerlatsivimmi pisortaq, Aaja Chemnitz Larsen oqarpoq. Atuagaaraq Kommuneqarfik Sermersuumi sulisunut, innuttaasunut, ajornartorsiortunullu qanigisaqartunut atugassatut suliaavoq.

    Atuagaaraq Kommuneqarfik Sermersuumi Tungiuinermut Ingerlatsiviup Kalaallillu Røde Korsiata suleqatigiinnerisigut saqummersinneqarpoq, Dansk Røde Korsillu akuersineratigut atuagaq kalaallisut nutserneqarsimalluni, atuagarlu Kalaallit Røde Korsianni, Nuukullak 4a-mi, 3900 Nuummi imaluunniit Nuummi Atornikuerniarfimmi pisiarineqarsinnaavoq, oqarasuaat: 32 18 00.