Nuummi Innarluutillit peqatigiiffiat nutaamik siulittaasortaarpoq

Nuummi Innarluutillit peqatigiiffiat nutaamik siulittaasortaarpoq

Nuummi innarluutillit peqatigiiffiat (NIP) Susassaqartitsivimmi ”Pilutaq”-mi februaarip qulingani ataatsimeersuartitsimmat, Gunnar Petersen siulittaasunngorpoq.

Pilutami ataatsimiittut 30-t missaanniittut siulittaasussarsiornermut atatillugu ersaattaapput sassartussanillu tinnersaallutik. NIP-mi siulittaasuusimasoq, Judithe Steenholdt, siulittaasutut sulilluarsimanera pillugu ataatsimiigiartunit tinnersarneqarluni sassaqqeqquneqaraluartoq oqarpoq, nammineq inuttut suleqataanini unitsinnaviarnangu, kisiannili ilaquttani piffissaqarfigiumallugit siulittaasutut sassaqqinngikkallarniarluni.

- Ilaquttakka piffissaqarfigiumallugit pisariaqartitsineralu tunngavigalugu siulittaasussarsiornermut atatillugu sassaqqinniarnanga aalajangerpunga, siulittaaasutut sassaqqinnianngitsoq, Judithe Steenholdt qujassuteqarnermini ilaatigut oqarpoq.

Nuummi innarluutillit peqatigiiffianni siulersuisuni ilaasortanngortut ulluni qaninnerni ataatsimiissasut, NIP-mi siulittaasunngortoq, Gunnar Petersen IPIS.GL-mut oqarpoq,

Nuummi innarluutillit peqatigiiffianni siulittaasunngortut:

Siulittaasoq: Gunnar Petersen

Tullersorti: Elise Petersen

Aningaaserisoq: Amalie Ostermann Petersen

Allatsi: Kirsten Zethsen