Ippiarsuk: Sammisassaqartitsivik eqeersimaartoqIppiarsuk
Nuummiittoq tassaavoq Utoqqarnut isumassuiffik – Ippiarsummullu atasoq ”Sammisassaqartitsivik” ulluinnarni atuisunut 52-inut inissaqartitsivoq. Taakkunannga atuisut 17-it aanaartornermi kingunerisaanik suli angerlarsimaffimminni najugaqartuupput – saniatigut tapersersorteqareerlutillu ikiorteqareersut.
Atuisut utoqqalinersiaqartuupput siusinaartumilluunniit tapisiaqartuullutik.
Sammisassaqartitsineq pingaartinneqarpoq
- Atuisortavut amerlanerit angerlarsimaffimminni kiserliortuupput, taamaattumik sullissinitsinni naleqartilluinnakkatta ilagivaat atuisut pisinnaasaasa nukittorsarneqartuarnissaat, Ippiarsummi Sammisassaqartitsivimmilu pisortaq, Amalie Pedersen oqarpoq. Sammisassaqartitsivimmi ulloq eqaarsaarnermik aallarnerneqartarpoq, tamatumalu saniatigut nalukkiarneq, tuniniagassanik assassorneq, assigiinngitsunik unammiuaartitsinerit kiisalu aalisariartitsinerit asiartitsinerillu periarfissaasarput.
Sammisassaqartitsivimmi atuisut 52-pput taakkuli saniatigut aamma utaqqisortaqartartoq, Amalie Pedersen oqarpoq, atuilersussallu pillugit kommunini Dronning Ingridip Napparsimavissuanilu sulisut peqatigalugit innersuussiortoqartarpoq. Sammisassaqartitsivimmi sulisut katillugit 10-upput, taakkunannga atorfiit pingasut maanna inuttassarsiuunneqarlutik.
Innarluutit Pillugit Ilisimasaqarfik Siunnersuisarfiutigisoq
