Sapaatip akunnera soqutigineqarluartoq

Peqatigiiffiit, kommuniit aamma ulloq unnuarlu innarluutilinnut angerlarsimaffiit sapaatip akunneranut 41-imut qinnuteqartuupput.

Namminersorlutik Oqartussat, IKINN-imi immikkoortortaqarfia ukiut tamaasa sap. ak. 41-imut pisussanut assigiinngitsunut aningaasaliissuteqartarpoq. Ukiormannalu katillugit 104.000 koruunit aningaasaliissutigineqarsimallutik.

Sap. ak. 41-mut atatillugu tikikkuminassuseq ammasumik qulequtaritinneqarmat, illoqarfinni assigiinngitsuni pisoqarfiusuni tamanut ammasumik sammisaqartitsisoqarpoq, aningaasaliissutillu taakkununnga atorneqarlutik.

IPIS-i qinnuteqartunik ataqatigiissaarisutut agguaassisuuvoq, qinnuteqartullu katillugit 22-t akuerineqarsimallutik.