Aaqami najugaqartut atuartinneqartalissapput

Aaqami pisortaq, Jan Buch.
Ipis-mit ilanngussat
    Inuiaqatigiilerinermut, piorsarsimassutsikkut politikkikkullu pissutsit qanimut malinnaaffiginerulernissaat anguniarlugit Sungiusarfik Aaqami najugaqartut ilaat atuartinneqartalissapput.

    - Sungiusarfimmi Aaqami katsorsartereernermi saniatigut atuartitsisalerneq inuttut pissarsiaqarfiusussatut takorloorparput, Aaqami pisortaq, Jan Buch pilersaarummut isumalluartoq oqarpoq.

    Sungiusarfimmi Aaqami najugaqartut katillugit 35-t missaanniipput, taakkunanilu nukarliit angajulliunerumaallu atuartinneqarnissaannut 15-it neqeroorfigineqassasut, Aaqami pisortaq, Jan Buch IPIS.GL-imut oqarpoq.

    Ilinniartitsisumik ilinniarsimasumik atorfinitsitsisoqarpoq, tamatumalu saniatigut avataaneersunik atuartitsinermut atatillugu oqalugiartitsisoqartassalluni. Aaqami pillorissaasup, Karina Kleistip ilinniartitsisoq peqatigalugu atuartitsisarneq qanimut malinnaaffigissavaa ataqatigiissaarlugulu.

    Atuartitsinerup saniatigut Aaqamut attuumassuteqartut pillugit aviiseeraq saqqummersillattaaneqartareersoq aamma suliarineqartalissaaq. Sungiusarfimmi Aaqami immikkoortortaqarfiillu ilanngullugit 62-it missaat sulisorineqarput.




    Karina

    Siungiusarfik Aaqami Pillorissaasoq,Karina Kleist Atuartitsisalernissamut ataqatigiissaarisuussaaq.



    Aaqa isersimaartarfik