IPIS-imi isumagisassat

IPIS – Innarluutit Pillugit Ilisimasaqarfik Siunnersuisarfiutigisoq – Namminersorlutik Oqartussat

Kalaallit Nunaanni innarluutilinnik, qanigisaasunit sullissisuusunillu saaffigineqarsinnaasoq aamma kalaallit oqaasii atorlugit Kalaallillu Nunaannut naleqqussakkamik siunnersuisinnaasoq.

Innarluutit pillugit ilisimasat paasissutissallu nittartakkami uani katersorneqarput, taamaammallu paasissutissat takuneqariaannaat amerliartuaartinneqarnissaat ilimagisariaqarpoq.

IPIS allakkatigut, oqarasuaatikkut, e-mailikkut, kiisalu nittartagaq manna aqqutigalugu saaffigineqarsinnaavoq.

 

IPIS-imi suliassaqarfiit:

• Ilisimasanik katersineq, ineriartortitsineq siammartitsinerillu
• Attaviginninnernik ineriartortitsineq ataavartitsinerlu
• Immikkut ilisimasalinnut innersuussisarneq
• Ilisimasaqarfinnik / paasisitsiniaaffinnik atuakkanillu atorniarfiusinnaasunik pilersitsiartuaarneq
• Soqutiginnittunut internet atorlugu oqaliffinnik matoqqasunik pilersitsineq
• Paasissutissanik pissarsiortarneq
• Nunarsuarmi Nunatsinnilu ilisimatusarnerit malinnaaffigissallugit
• Ataatsimeersuartitsinerit pikkorissarnerillu ingerlattassallugit
• Nutaarsiassanik, naqitanik, DVD-nik il.il. saqqummersitsisarneq