Tingulluut - Cholestasis familiaris groenlandica

Paasissutissarsiffiit: Ugeskrift for læger nr 169/12 (2007), Narkorsanut 1/2005 kiisalu 1/2010. Inge-Merete Nielsen, meeqqanut nakorsaq. Saqqummersinneqarpoq ulloq 06 juli 2010 | Nutarterneqarpoq ulloq 29 oktobari 2010

Cholestasis familiaris groenlandica. Tingukkut nappaat ajorunnaarsinneqarsinnaanngitsoq.

 

Cholestasis familiaris groenlandica (CFG) nappaataavoq kingornuttagaq kromosom[i] nr. 18-ip pissusissamisuunngitsumik ineriartorneranik peqquteqartoq.

Nappaat napparsimalinngikkaluarluni attanneqarsinnaavoq. Imaappoq anaana ataatalu nappaammik attassaqarpata meeraat napparsimalersinnaavoq.

Nappaat Kalaallit Nunaanni Canadamilu Inuit akornanni ilisimaneqarpoq. Atugaanera Tasiilap, Uummannap Upernaviullu pigisaanni qaffasippoq.

Piffissami 1943-2002’mut Kalaallit Nunaanni CFG’mik nappaatillit 46-t pasineqarput.

 

Nappaat naalungiarsummi malunniuttarpoq tinguata pissusissamisut atuutinnginneratigut. Meeraq iluaalliortarpoq, sungarpallalluni, tingua allisoorluni, ungilatsitsilluni inuussutissaminillu naammattumik arrortitsissanani. Meeqqat amerlanersaat toqujaartarput tinguup iluamik sulisanginnera pissutigalugu.

Meeqqat ilaasa tinguinik taarsiineq ullumikkut ajornarunnaarnikuuvoq.

 

Kalaallit Nunaanni arnat naartusut tamarmik screenertillutik misissortinnissamut 2006-imiit neqeroorfigineqartalernikuupput. CFG genimik misissuiffigineqartarput. Paasinarsippat naartoq napparsimalersinnaasoq naartuersinnissamik neqeroorfigineqartarput.


[i] Kromosom: Kromosomi: Dna-mit pinngortoq, inuit sananeqaatitta aallaavianiittoq, ujalussiaasannguartut isikkulik, gene-nik imaqartoq. Inuk nalinginnarmik sananeqaammi aallaaviani 46-nik kromosomeqarpoq.