Innarluutit Pillugit Ilisimasaqarfik Siunnersuisarfiutigisoq
Calvé Perthes - Siffissakkut nappaat
Nappaat aamma taaguuteqarpoq Calve-Legg-Perthes, nakorsat nappaatip suuneranik nassuiaaqqaartut atsiullugit. Nappaatip quttoqqap saarngata isua allanngortittarpaa aammik naammattumik pilersuisoqannginnera pissutigalugu.
Nappaat qaqutigoortuuvoq inuit 1000-iugaangata ataaseq eqqugaasarluni. Suna peqqutaanersoq ilisimaneqanngilaq, napparsimasulli 10%-iini kingornuttagaavoq. Nalinginnaasumik siffissap illuinnaa ajoquteqalersarpoq. Meeqqat eqqugaasarput, amerlanertigut nukappiaqqat 3-12’nnik ukiullit, nalinginnaanerulluni 7-k missaanni ukioqarnermi napparsimalersarneq.
Nappaammut ilisarnaataapput meeqqap seeqquminik, imeqqutaminik quttoqqaminillu anniarnera peqqutaasinnaasunik allanik malunnartoqanngikkaluartoq. Aammali meeraq siffiitsunngorsinnaavoq / tusiattunngorsinnaavoq annianngikkaluarluni..
Nappaat nakorsamit paasineqartarpoq siffissap nagguaanik tarrarsuinikkut.
Siffissap nagguaa oqilisaallugu katsorsaasoqartarpoq.
Siffiaq oqilisaanneqarsinnaavoq meeraq orngavaattaateqartillugu kørestoleqartilluguluunniit piffissamilu killilimmi arpattarnanilu pissisaartannginneratigut. Aamma anniarnaveersaatitornissaa pisariaqarsinnaavoq.
Meeraq napparsimanermi nalaani nakorsamit misissorneqartassaaq. Napparsimasut ilamininnguisa siffissamikkut pilatsinnissaat pisariaqarsinnaavoq.Meeqqat amerlanerpaartaat ajorunnaavittarput.Ilaqartarpulli kingunerlutsitsillutik inersimasunngornerminni siffissamikkut gigteqalersartunik imaluunniit nissut takeqqatigiikkunnaarnerannik ajoquteqalersartunik.
