Innarluutit Pillugit Ilisimasaqarfik Siunnersuisarfiutigisoq
Prader Willi syndrom
Syndrom, tassaavoq ilisarnaatit ataatsimoortut (pingaartumik ajoqummut).
Syndromi inunnguuserineqartarpoq malunniuttarlunilu kaannermik qaarsillarnermillu misiginerit ajoquteqarnerisigut, aammalu timip kissassusissaata sinittarnerullu nalinginnaasumik nalimmassarniarnerinik ajornartorsiuteqarnikkut.
Tamakku saniatigut inuk sianissutsikkut ineriartornermigut annikitsumik akunnattumilluunniit kinguarsimasarpoq.
Symdrom’imik 1956-imi allaaserinneqqaartuupput schweitzimiut nakorsat Prader, Labhart aamma Willi.
Syndrom’eqartut 95 %-iini kromosomikkut ajoquteqartoqarnera uppernarsineqarsinnaavoq.
Inuit Prader Willi syndrom’eqartut qaarsillarneq malugisinnaanngilaat, nerisassatigullu pisariaqartitsinertik nammineerlutik killilersinnaanagu, aqussinnaanagulu.
Taamaammat inuunertik tamaat nerisamikkut killilersorneqartariaqarput inuunermut navianaatilimmik puallannginniassammata.
Prader Willi Syndrom-imik atugaqartuusut eqqarsartaatsimikkut eqartorujussuusinnaapput. Ileqquliussat, periutsillu aalajangersimaqqissaartut pisariaqartissinnaasarpaat. Ulluinnarni toqqissisimasumik, pisussanillu siumungaaq ilisimannereerlutik inuuneqarnissartik pisariaqartittarpaat. Ikiorneqarnissaq, ikorfartorneqarnissarlu inuuneq tamaat pisariaqartinneqartarput. Inersimasuni piffissap ilaani misigissutsitigut ajornartorsiortoqalersinnaasarpoq.
Ullut tamaasa timigissartarnissaq pingaaruteqarpoq nukiit sukangassusaat, nukiit annertussusaat uppinnaveersaarsinnaanerlu inunni Prader Willi syndrom-imik atugalinni annikinnerusarmata.
Nuummi najugaqatigiiffeqarpoq ”Akuitsut”, Sungiusarfik Aaqa’mut atasumik. Inersimasut marluk Prader-Willi syndrom’imik atugaqartut najugaqarfigisinnaasaat.
