Innarluutit Pillugit Ilisimasaqarfik Siunnersuisarfiutigisoq
Syndrom, tassaavoq ilisarnaatit ataatsimoortut (pingaartumik ajoqummut).
Niviarsiaqqat kisimik Morris Syndrom´eqalersinnaapput.
Niviarsiaraq Morris syndrom´eqartoq, inunnguuseralugu angutit sananeqaatimikkut kingornuttagaannik attataqartarpoq. Taamaakkaluartoq qularisassaanngitsumik niviarsiaraavoq, imaluunniit arnaavoq. Timikkut, hormonitigut, misigissutsikkut, inuttut atukkatigut inatsisitigullu arnaassuseqarpoq.
Aaqalerneq ajorpoq, naartulersinnaanngilaq kinguaassiorsinnaananilu. Kinguaassiuutai pilatsinnikkut iluarsisariaqarsinnaapput, nalinginnaasumik atoqateqarsinnaalissappat.
Morris syndrom qaqutigoorluinnartuuvoq. Inuttut sananeqaatini, X kromosomip allannguuteqarneranik peqquteqarpoq. Allanngortoqarnera ilalisaatinik kingornutanik peqquteqarsinnaavoq imaluunniit nalaatsornerinnakkut kromosomi allanngorsimasinnaalluni.
Syndromimut tunngasutigut tamakkiisumik isertuannginnissaq pingaaruteqarluinnartuuvoq, ammaffiginninneq paasinninnerlu meeqqap ukiuinut naleqqussarneqartariaqartarluni. Kinaassusermik, arnaassusermik nalornisuulinnginnisamut, pingaaruteqarluinnarpoq isertuannginnissaq.
