Landau-Kleffner syndrom

Landau-Kleffner syndrom  (syndrom = ilisarnaatit ataatsimoortut (pingaartumik ajoqummut)).

 Oqajuerneq epilepsi’mik tunngavilik.

Nappaat qatutigooqisoq meeqqani pingasuniit arfineq-pingasunut ukiulinni atugaasarpoq, pingaartumik nukappiaqqani.

Aallarniutaagajupput qassissoriarluni epilepsimik noqartarneq. Taama pisoqareernerata kingorna sapaatit akunneri qaammatilluunniit arlallit qaangiunneranni malunniutit pingaarnerit aallartittarput, tassalu oqaluunneqartilluni nipinulluunniit allanut qisuariassaarneq oqajuernerlu.

Oqajuerneq nipinullu oqaluunneqarnermullu qisuariassaarneq piartuaartumik tassanngaannartumilluunniit pisinnaapput. Meeraq nuakoortalersinnaavoq.

Landau-Kleffner syndrom sumik peqquteqarnersoq ilisimaneqanngilaq. Ingammik sininnermi qaratsap sulineranik takussutaasinnaasut, EEG, pissusissamisoorneq ajormata.

Oqajuerneq oqaatsinillu paasinnissinnaajunnaarneq ilungersunartorujussuupput meeqqallu ineriartornissaanut annertuumik sunniuteqarlutik. Meeqqat ilaat tunuarsimaalersarput inoqatiminnullu attaveqarunnaartarlutik, allaat ussersorunnaarlutik.

Meraaq autismimik akornuteqartutut pissusilersulersinnaavoq. Ilaat nipinut nipituunut malussarippallaalersinnaapput.

Immikkut ittumik ikorfartorneqarnissaq immikkullu atuartinneqarnissaq pisariaqartinneqalersarput. Meeqqap oqallorissaasumit talepædagogimit atuartinneqarnissaa pisariaqalersinnaavoq, soorlu ”oqalunnissamut ussersorneq” ilinniarlugu.

Epilepsimik noqartarnerit katsorsarnissaat ajornarpallaarnavianngilaq. EEG inersimasunngunnginnermi nalinginnanngoqqissaaq. Oqalunnissamut pimoorullugu sungiusarneqarnikkut nakorsaatinillu katsorsaanikkut oqalussinnaaneq nalinginnaaleqqissinnaavoq nalinginnangajanngorluniluunniit.