Borderline

Taanna innarluut kalaallisut aaliangersimasumik ateqartinneqanngilaq, taamaattorli imatut nassuiarneqarsinnaalluni: ”Misigissutsikkut aqutsisinnaanermik innarluuteqarneq”.

Borderline inuttut kinaassutsikkullu innarlerneqarsimanermik aallaaveqarpoq. Taamatut atugallit misigissutsikkut aalaakkaanerat/patajaatsuunerat ajoqusernikuusarpoq.

Taamatut nappaatillit iliuutsimik kingunissaat eqqarsaatiginagu periartarput. Misigissutsimik aqunnissaat ajornartorsiutigisarpaat soorlu kamariataarsinnaasarlutik.

Isumaat allanngorartuusarput pitsaasorujussuusinnaallutik imaluunniit ajorluinnartuusinnaallutik.

Inuit Borderline-llit imminnut inoqatiminnullu tatiginninnerat killeqartarpoq, isumaqatigiinngissutsinullu mianernartuusarlutik.

Tarnikkut allanik ajoquteqalersinnaasarput soorlu annilaangasunngorlutik, isummakkut nanertisimalerlutik tarnikkulluunniit peruluttunngorsinnaasarlutik.

Borderline meeraanermiit inuusuttuaraanermiilluunniit pigineqareertarpoq.

Isumaqartoqarpoq nappaat peroriartornermi oqimaatsorsiornermik aallaaveqartoq. Tassalu timikkut tarnikkulluunniit atugarliorsimanermik soorlu paarinerlugaanermik, atornerluisoqarneranik aporaattarnernilluunniiit peqquteqarsinnaalluni. Peqqutaasunut aamma kingornussineq imaluunniit annikinnerusumik qaratsami ajoquserneq aallaaviusinnaapput.

Katsorsartinneq

Tarnikkut allanik Borderline-qarnerup saniatigut nappaateqanngikkaanni iisartagaqanngilaq iluaqutaasinnaasunik. Katsorsaalli pitsaanerpaaq tassaalluni tarnikkut nappaatinik ilinniarsimasumik katsorsarneqarneq.