Innarluutit Pillugit Ilisimasaqarfik Siunnersuisarfiutigisoq
Syndrom, tassaavoq ilisarnaatit ataatsimoortut (pingaartumik ajoqummut).
Apert´s syndromemik innarluuteqarneq kromosom[1]-imik akornuteqarnermik pissuteqarpoq.
Inuit 65.000-it missaanni inuugaangata ataaseq Apert´s syndromeqarluni inunngortarpoq.
Innarluut (syndrome) inunnguuseralugu innarluutinik atuiffiuvoq soorlu qaratsakkut, kiinnakkut, assatsigut aammalu isikkatigut. Aammattaaq allanik timikkut innarluuteqartoqarsinnaavoq soorlu saanertigut, avatitigullu. Aammattaaq isiginiarnikkut tusaaniarnikkullu innarluuteqartoqarsinnaavoq. Innarluuteqarnermi anersaartorniarneq aamma sunnerneqarsinnaavoq.
Inuit Apert´s syndromillit allaanerusumik pissusissarinngisamik isikkoqarsinnaasarput, innarluutertik pissutigalugu.
Taamatut innarluutillit aamma ilaatigut silatussutsimikkut nikerartumik innarluuteqarsinnaapput.
Katsorsartinneq
Isikkukkut innarluutigineqalersut pilattartinnikkut suliarineqarsinnaapput. Taakku saniatigut pisariaqartitsisoqarsinnaavoq timikkut pissutsit, inuttut aammalu perorsaanikkut ajornartorsiutit pillugit siunnersorneqarneq.
Malugisassaq:
Qallunaatuuani immikkut ilanngussisoqarnikuuvoq, qallunaatut atuarneqarsinnaasunik.
Annertunerusumik paasisaqarnissamik pisariaqartitsisoqarpat IPIS-imut saaffiginninnikkut ikiuisoqarsinnaavoq.
[1] Kromosom tassaavoq inuup sananeqaataani kingornuttakkanut attuumassuteqartoq.
