Innarluutit Pillugit Ilisimasaqarfik Siunnersuisarfiutigisoq
Nappaat aamma taaneqartarpoq Motor Neuron Disease, taaguut taanna pingaartumik Tuluit Nunaanni atorneqarluni.
ALS nappaattaavoq qaqutigoortoq ajortikkiartuaartartorlu qaratsami qiteqqamilu sananeqaatini sianiuteqarfinni timimi nukinnik aqutsisuniittoq.ALS’ip dissemineret sclerose/ multipel sclerose assiginngilaa.
Nappaatip qanoq ingerlasarnera assigiinngissinnaaqaaq. Nappaammut ilisarnaatit ilagisinnaavaat qasoqqaneq nukiillu eqisarnerat aammalu nukiit piginnaaneerukkiartornerat milliartornerallu. Oqalunniarneq, iisiniarneq tamuaniarnerlu ajornarsiartorsinnaapput ilaannilu anersaartorniarneq ajornartorsiutaasinnaalluni. Aammattaaq nukiit nukillaarsinnaapput.
ALS’ip sumik peqquteqarnera ilisimaneqanngilaq. Nappaat 50-60’inik ukioqarnermi malunniukkajuttarpoq, amerlanertigut angutini. Agguaqatigiissillugu napparsimalernermiit ukiuni 3-4’ni inuusoqarsinnaavoq, inummiilli inummut assigiinngittaqaat. Soorlu assersuutigalugu napparsimasut 10 %-ii ukiut qulit sinnerlugit inuusarput.
Piffissap ingerlanerani imminut isumaginissamut, ulluinnarni suliassanut atortorissaarutinullu, soorlu kørestolimut inimillu aaqqissuussinermut ikiorneqarnissaq pisariaqartinneqalertarpoq.
