Imminut pilersorneq

Pilersuineq pillugu malittarisassat:

• Angajoqqaat meeqqaminnut 18-it inorlugit ukiulinnut pilersuisussaatitaapput. Meeraq nammineq aningaasarsiaqarsimassappat, isertitat meeqqap pilersorneqarneranut angajoqqaat atortariaqarpaat.
• Angajoqqaat (immaqalu meeqqap) aningaasatigut isertitaat inuuniarnermut naammanngippata, kommuni pisortanit ikiorsiissutit pillugit peqqussut tunngavigalugu ikiorsiissuteqarsinnaavoq.
• Inersimasut imminnut, ilaquttaminnullu pilersuisussaatitaapput. Suliffissaaleqineq napparsimanerluunniit peqqutigalugit imminut pilersorsinnaaneq killeqarsimassappat, pisortanit ikiorsiissutit pillugit peqqussut tunngavigalugu, ikiorsiissuteqartoqarsinnaavoq.
• Inersimasup sulisinnaassuseqarnera annertuumik ataavartumillu annikilleriarsimappat, siusinaartumik pensionisiaqalersinnaaneq periarfissaavoq.
• Sulisinnaassuseqarneq timikkut, eqqarsartaatsikkut inooqatigiinnikkulluunniit atukkat pissutigalugit annikilleriarsimasinnaavoq. Taamaattumik inuit innarluutilippassuit siusinaartumik pensionisiaqalernissamut pisinnaatitaaffeqarput.