Innarluutit Pillugit Ilisimasaqarfik Siunnersuisarfiutigisoq
Innuttaasoq kinaluunniit inuunermi pisut arlaannit nalaanneqaruni assigiinngitsunik ikiorserneqarnissaminut pisinnaatitaaffeqarpoq. Inatsisit tamanut atuuttut inunnut innarluutilinnut soorunami aamma atuupput.
Innarluutillit pillugit inatsisini pingaarutilimmik tunngaviusoq tassaavoq inatsisitigut allatigut ikiorsiinissamut periarfissaqanngippat taakku aatsaat atorneqarsinnaanerat.
Assersuutigalugu ikiorsiissutit pensionisianut inummut tapitut, meeqqanik isumaginninnermi aningaasartuutitut, pisortanit ikiorsiissutitut il.il. tunniunneqarsinnaappata innarluutillit pillugit inatsisit tunngavigalugit ikiorsiisoqassanngilaq.
