Assersuusiarineqartut, assersuutaanaapput iluaqusersuutaasinnaasutut ikiorsiissutigineqarsinnaasut, qinnuteqareernermi akuersissuteqarnissamut tunngavissaqarsimassappat. Innuttaasut kikkulluunniik, assigiinngitsunik annertuumik innarluutillit, iluaqusersuutinik assigiinngitsunik pisariaqartitsilersinnaasarput. Annertuumik innarluutillit atasiakkaat pisariaqartitsineri naapertorlugit, akuersisoqarsinnaasarpoq, suliamut ilisimasalimmik naliliisoqareerneratigut.
-
Iluaqusersuutinik pissarsinissamut ikiorsiineq.
-
Tapersersortitut ikiortinik atorfinitsitsinissamut ikiorsiineq.
-
Angajoqqaat allalluunniit, annertuumik innarluutillip angerlarsimaffimmi ulluinnarni paaqqutarineqarneranik suliaqartut, sulinermikkut ikiorserneqarmikkullu oqilisaavigineqarsinnaanerat.
-
Siunnersorteqartitsinermut ikiorsiineq.
-
Annertuumik innarluutillip inigisaata allanngortinneqarnissaanut, aaqqissuunneqarsinnaaneranullu ikiorsiineq.
-
Qanigisat allallu, ilinniartinneqarnerinut, pikkorissartinneqarnerinut il.il. ikiorsiineq, taamaaliornikkut annertuumik innarluutillip ulluinnarni inuunerata oqinnerulerlunilu pitsaanerulersinnaanissaa anguniarlugu.
-
Najugaqatigiiffinnik, nakkutigineqarlunilu najugaqarfinnik pilersitsinermut ikiorsiinerit.
-
Ulloq unnuarlu paaqqinniffimmiinneq.
-
Annertuumik innarluutillip angerlarsimaffimmi avataani paaqqinniffimmiinneranut atasumik, pineqartup akiliunneqarluni feriartinneqarnera, imaluunniit immikkut pisoqartillugu, qanigisaasut akiliunneqarlutik feriartinneqarneri.
Innarluutit Pillugit Ilisimasaqarfik Siunnersuisarfiutigisoq
