IPIS – Innarluutit Pillugit Ilisimasaqarfik Siunnersuisarfiutigisoq – tassaavoq Namminersorlutik Oqartussat ataanni sullissivik Kalaallit Nunaanni innarluutilinnik, qanigisaasunit sullissisuusunillu saaffigineqarsinnaasoq aamma kalaallit oqaasii atorlugit Kalaallillu Nunaannut naleqqussakkamik siunnersuisinnaasoq.

Innarluutit pillugit ilisimasat paasissutissallu nittartakkami uani katersorneqarput, taamaammallu paasissutissat takuneqariaannaat amerliartuaartinneqarnissaat ilimagisariaqarpoq.

IPIS saaffigineqarsinnaavoq allakkatigut, oqarasuaatikkut, e-mailikkut, kiisalu nittartagaq manna aqqutigalugu.